Rhaid i bob cwmni gynnal a chadw cofrestrau statudol o wybodaeth.
O’r 18 Tachwedd 2025, nid oes gofyniad bellach i gwmnïau gadw cofrestrau:
- cyfarwyddwyr
- cyfeiriadau preswyl y cyfarwyddwyr
- ysgrifenyddion
- pobl â rheolaeth arwyddocaol (PRhA)
Mae’n rhaid i chi gofrestru’r wybodaeth hon gyda Thŷ’r Cwmnïau a’i chadw’n gyfredol.
Nid oes angen i chi ddarparu galwedigaeth fusnes mwyach ar gyfer cyfarwyddwyr cwmnïau (neu gyfwerth) pan fyddwch chi’n cofrestru eu penodiad gyda Thŷ’r Cwmnïau.
Cau’r gofrestr ganolog
Ni all cwmnïau bellach ddewis cadw gwybodaeth am eu swyddogion ar y gofrestr ganolog. Cafodd yr opsiwn i gadw gwybodaeth am ysgrifenyddion, cyfarwyddwyr a PRhA ar y gofrestr ganolog ei ddileu ar 18 Tachwedd 2025. Cafodd yr opsiwn i gadw gwybodaeth am aelodau ei ddileu ar 26 Ionawr 2026.
Gofyniad ar gyfer cofrestr o gyfranddalwyr (aelodau)
Yn ôl y gyfraith, mae’n rhaid i gwmnïau dal cofrestr o gyfranddalwyr (aelodau) naill ai yng nghyfeiriad swyddfa gofrestredig y cwmni, neu leoliad archwilio amgen unigol (SAIL).
Os oedd eich cwmni yn dal ei gofrestr o aelodau yn Nhŷ’r Cwmnïau yn flaenorol, mae angen i chi:
- Creu a chynnal cofrestr o aelodau.
- Cadw’r gofrestr o aelodau yng nghyfeiriad eich swyddfa gofrestredig neu gyfeiriad SAIL.
- Gwneud y gofrestr hon yn weledol i’r cyhoedd.