Partneriaethau cyfyngedig
O dan fesurau a gyflwynwyd gan y Ddeddf Troseddau Economaidd a Thryloywder Corfforaethol, bydd gwybodaeth am bartneriaeth gyfyngedig (PC) yn fwy hygyrch a thryloyw.
Pan ddaw’r mesurau hyn i rym, mae’n rhaid i PC:
- darparu enwau, dyddiad geni a chyfeiriad preswyl arferol partneriaid
- gwirio hunaniaeth partneriaid cyffredinol
- darparu swyddfa gofrestredig yn y Deyrnas Unedig
- darparu cod dosbarthiad diwydiannol safonol (SIC)
- Ffeilio datganiad cadarnhau blynyddol
Bydd angen i PC ffeilio eu gwybodaeth drwy asiant awdurdodedig (a elwir hefyd yn Ddarparwr Gwasanaeth Corfforaethol Awdurdodedig) sydd wedi’i gofrestru gyda Thŷ’r Cwmnïau. Mae hyn er mwyn sicrhau bod y data’n ddibynadwy ac yn addas i’r diben.
Bydd pwerau newydd i:
- Cau ac adfer partneriaethau cyfyngedig
- gweithredu sancsiynau
- diogelu gwybodaeth partneriaid
- gweithredu proses gydymffurfio statudol
Bydd angen is-ddeddfwriaeth ar y mesurau hyn cyn iddynt gael eu gweithredu.