Mae’r Ddeddf Troseddau Economaidd a Thryloywder Corfforaethol wedi cyflwyno mesurau i atal cam-drin gwybodaeth bersonol a gedwir ar gofrestr Tŷ’r Cwmnïau.
Un o’r nodau yw cydbwyso’r angen am dryloywder corfforaethol â’r ddealltwriaeth y dylid cyhoeddi gwybodaeth bersonol dim ond pan fo’n angenrheidiol ac yn gymesur gwneud hynny. Bydd y mesurau hyn yn dod i rym dros y ddwy flynedd nesaf mewn dull graddol o weithredu.
Atal gwybodaeth bersonol
O 27 Ionawr 2025, gall unigolion wneud cais i atal y wybodaeth ganlynol o ddogfennau hanesyddol:
- y cyfeiriad swyddfa gofrestredig lle mae eu cyfeiriad cartref
O 21 Gorffennaf 2025, gall unigolion wneud cais i atal y wybodaeth ganlynol o ddogfennau hanesyddol:
- cyfeiriadau preswyl yn y rhan fwyaf o achosion pan ddangosir mewn mannau eraill ar y gofrestr
- diwrnod geni ar gyfer dogfennau a gofrestrwyd cyn 10 Hydref 2015 (dim ond y mis a’r flwyddyn geni sydd wedi’u harddangos yn gyhoeddus ers 10 Hydref 2015)
- llofnodion
- galwedigaeth busnes
Diogelu gwybodaeth bersonol oherwydd risg o niwed
Rydym yn bwriadu cyflwyno mesurau pellach sy’n caniatáu i unigolion sydd mewn perygl personol o niwed corfforol neu drais oherwydd bod eu gwybodaeth bersonol ar gofrestr gyhoeddus Tŷ’r Cwmnïau (er enghraifft, goroeswyr cam-drin domestig) i wneud cais i ddiogelu mwy o’u gwybodaeth rhag golwg y cyhoedd.
Byddwn yn rhoi gwybod i chi pryd y bydd y mesurau hyn yn dod i rym.